УЖАС: Дете се борело за живот откако беше нападнато од лав, виновен е нејзиниот татко

Четиригодишно девојче завршило во кома по бруталниот напад на лавица во Јужноафриканската Република.

Дина Мариде Бер со своето семејство ја посетила фармата за лавови „Велтевреде“, а нападот се случил додека таа била во рацете на татко ѝ.

Се претпоставува дека токму таткото е одговорен за нападот, бидејќи со девојчето во раце одел преблизу до кафезот. Лавицата го искористила моментот на невнимание, замавнала со шепата низ дупката на кафезот и моментално го скалпирала несреќното девојче.

-Таткото се извлекол со полесни повреди, но на малата Дина лавицата ѝ го откорнала скалпот и ѝ го пробила черепот, пишува Индепендент.

По инцидентот девојчето е пренесено во болница во градот Албертон, каде што лекарите ја ставиле во индуцирана кома.