Супер брзи КИФЛИЧКИ СО ЏЕМ што мора да ги пробате

Ви претставуваме рецепт за највкусните старински кифлички кои ќе бидат уште повкусни доколку ги направите со домашен џем од сливи

Се прават брзо, воздушести се и најмалите ги обожаваат

Состојки:

700 грама остро брашно

250 милилитри масло

250 милилитри јогурт

1 кесичка прашок за пециво

џем од сливи

200 грама шеќер во прав

Начин на подготовка:

Загрејте ја рерната на 200 степени. Измешајте ги јогуртот и маслото, а потоа постепено додавајте брашно помешано со прашок за пециво. Замесете со додавање брашно по потреба, потоа развлечете го тестото со сукало и исечете го на триаголници

Ставете џем по вкус на секој триаголник, потоа замотајте во кифлички и наредете ги во тава обложена со хартија за печење. Печете околу 20 до 30 минути. Откако ќе се изладат, посипете со шеќер во прав.