Најдобриот рецепт за кремпита

Десерт којшто сите го обожававме во детството.

Совршена комбинација на меко тесто и вкусен крем од ванила.

Потребни состојки:

6 лажици брашно

6 лажици шеќер

6 жолтки

½ прашок за пециво

1 ванилин шеќер

150 мл млеко

75 мл масло

Состојки за фил

1 л вода (одвоено 350 мл и 650 мл)

4 пудинзи од ванила

300 гр. шеќер

6 белки

Начин на подготовка:

Почнете со подготовка на кората така што ќе изматите 6 жолтки, а потоа ќе додадете 6 лажици шеќер, ванилин шеќер, масло, и продолжете да матите. Додајте млеко и соединете ја смесата, па сипете брашно заедно со прашок за пециво. Mатете додека да добиете хомогена смеса.

Сипете ја смесата во тавче за печење. Печете на 180 степени, 15-20 минути. Додека се пече корката, подгответе го филот.

Во 350 мл вода изматете 4 пудинзи од ванила. Во тенџере додајте ги преостанатите 650 мл вода и шеќер и ставете на огин на средна температура. Додајте го изматениот пудинг и мешајте додека да се згусне. Изматете белки од јајца и постепено додавајте го пудингот. Матете додека да се соедини смесата. Прелијте го филот преку корката, оставете ја кремпитата во фрижидер да се стегне околу 2 часа. По желба наросете со какао во прав.