Мало девојче трпело неподносливи болки во стомакот поради ужасна навика: Докторот бил шокиран

На 8-годишно девојче кое со години ја грицкала својата коса, во томакот имала “топка” од влакна тешка еден и пол килограм. Феифеи од Гуангдонг, од југот на Кина својата коса започнала да ја јаде кога имала само 2 години, пренесува Mirror. На својата мајка ѝ рекла дека престанала со таа навика на почетокот на 2019 година. Но, на почетокот на февруари не ѝ било добро една недела, повраќала и трпела ужасни болки во стомакот. Нејзината мајка го забележала нејзиниот подуен стомак и веднаш ја одвела во болница. Кога докторот се обидел да ѝ го испере желудникот, утврдил дека воопшто нема храна. Се зачудил кога со скенерот воочил дека во стомакот постои масивна топка од коса измешана со храна. Меѓутоа, докторот тоа не можел да го извади со ендоскопски метод, бидејќи косата се калцификувала па морал да го оперира девојчето. “Ова сигурно било во стомакот со години. Оваа навика е типичен симптом “pica”, пореметување во исхраната, кога луѓето јадат она што не е за јадење”, објасни докторот. Девојчето моментално се опоравува и почнува да јаде.