Ги буди сите сетила и грее во студените денови: Рецепт за неодоливо топло чоколадо

Со неколку „магични“ трикови, топлото чоколадо ќе биде волшебно и неодоливо, а ќе го сакаат сите.

Ова се некои од советите за најдоброто топло чоколадо кое што може сами да си го направите дома.

Без оглед кој вид млеко, чоколадо и вкус го сакате, сепак побарајте ги оние кои што нудат врвен квалитет. Квалитетното чоколадо навистина прави разлика во напитокот.

Обидете се со шлаг…

– Помешајте една лажичка прашок за шлаг; – 2 лажички шеќер во прав; – половина лажичка арома по избор, на пример ванила.

Сè добро измешајте, па додадете го во претходно подготвеното топло чоколадо.

Млекото исто така е многу важно. Колку е поголема содржината на мастите во млекото, толку топлото чоколадо ќе биде покремасто.

Потоа, мора да внимавате и на температурата. Полека, рамномерно загревајте го млекото, често мешајте и немојте да брзате со постапката.