Прекумерната потрошувачка на која било храна не е добра за здравјето, а некои истражувања сугерираат дека прекумерната потрошувачка на производи од компир е поврзана со висок крвен притисок. Но, проблемот обично е во начинот на кој ги обработуваме и подготвуваме компирите.
Имено, компирот содржи многу витамини и други хранливи материи кои се клучни за нашето здравје. Еве пет причини зошто компирот е добар за здравјето.
Витамин Ц Кога се споменува витамин Ц, луѓето обично мислат на портокали и други агруми. Но, компирот е исто така важен извор на витамин Ц. Еден компир од 150 грама содржи во просек околу 15 проценти од препорачаната дневна доза на витамин Ц.
Витаминот Ц е многу важен за нашето здравје, бидејќи ја подобрува работата на имунитетната функција, содржи антиоксиданти, игра клучна улога во формирањето на сврзните ткива, а исто така е важен и за здравјето на нашите заби. Недостатокот на витамин Ц е поврзан и со губење на забите.
Витамин Б6 Овој витамин е клучен за работата на повеќе од 100 ензими во организмот, овозможувајќи им да ги разградат протеините – процес што е клуч за добра функција на нервите. Ова исто така може да биде причина зошто витаминот Б6 е поврзан со добро ментално здравје.
Еден компир содржи околу една четвртина од препорачаната дневна доза на овој витамин.
Калиум Калиумот е важен за регулирање на електричните сигнали во мускулите и нервите. Затоа премногу високи или премали количини на калиум во организмот можат да го запрат срцето.
Печен и пржен компир содржи високо ниво на калиум, околу една третина од препорачаниот дневен внес. Но, луѓето кои имаат заболување на бубрезите, не треба да јадат компири. Имено, ако бубрезите не работат правилно, тоа може да ја оневозможи можноста за исфрлање на вишокот калиум од телото.
Добро е за варење Готвењето и ладењето компири пред да ги јадете ви овозможува да создадете отпорен скроб. Овој здрав скроб му помага на нашето тело на многу начини, а исто така делува како пробиотик кој е важен за здрав микробиом на цревата. Иако ладно варениот компир е потешко да се вари, тие создаваат и масни киселини кои се исклучително добри за здравјето на дигестивниот систем.
Покрај тоа, овие масни киселини помагаат во работата на метаболизмот бидејќи го намалуваат нивото на шеќер во крвта. Сето ова го прави варениот компир нискокалорична и хранлива храна.
Без глутен Компирот исто така е природно без глутен, па затоа е одлична опција за луѓе со целијачна болест или за оние кои треба да избегнуваат глутен. Истото важи и за слаткиот компир, кој содржи малку повеќе калории и јаглехидрати.
Comments